Марішку ти тоту

А й рунинькоє поле,
Ай поле руне,
Я хотіла рано встати,
А всталам в полунне!
Ай, дана-дана-дана,
А всталам в полунне!

Ай поробиться робота
Потому, потому,
Бо кіть дівка читава
Та читава у всьому!
Ай, дана-дана-дана,
Читава у всьому!

Ай, ай, коли ти хотів,
А вна не хотіла,
Бо її посеред ночи
Головка боліла!
Ай, дана-дана-дана,
Головка боліла!

Ай ци треба тя учити,
Як ї полічити,
Бо пак буде нелічена
Сердита ходити.
Ай, дана-дана-дана,
Сердита ходити!

Ай казала ти мамка:
Ай, сину, мій сину,
Будеш жону честовати,
Сяде ти на шию.
Ай, дана-дана-дана,
Сяде ти на шию!

Мамко, ви ся не мішайте
Та помежи нами!
Не буде ня честувати,
Буде спати з вами!
Ай, дана-дана-дана,
Буде спати з вами!

Ай Марішку ти тоту,
Марішку ти тоту,
Бо ти із тими дівками
Забув за роботу!
Ай, дана-дана-дана,
Забув за роботу!

Ай, дівчата, дівчата,
Не йдіть на улиці,
Бо там тоті легіники
Захотять дурниці!
Ай, дана-дана-дана,
Захотять дурниці!