Кручений у два боки

Ану, хлопці, у таниць
Межи файних молодиць!

Коло мене не ходи,
Ай да ріді дайна,
Айбо найдеш ми біди,
Гоп шіді ріді дайна!

Коло мене не дубоч,
Ай да ріді дайна,
Бо я знаю, що ти хоч,
Гоп шіді ріді дайна!

Ай віяла, віяла, віяла, віяла.
Ай віяла, віяла, віяла, віяла.
За нив, за нив легіники,
Вби ся не бояла!

Ай віяла віяла, віяла, віяла,
Ай віяла віяла, віяла, віяла,
Звідовали легіники чия я, чия я!

Та ци я ти не казала,
Тай не говорила, гойя,
Сиди дома, не йди нигде,
Бим ся не журила, гой!

Ой, болить ня головочка,
Болить ня погано, гойя,
За Васильом увичирі,
За Петром над рано, йой!

Ай, баби, горі лаби,
Ай, баби, горі лаби,
Баби, горі лаби!

Ей йой гоп ша ша,
Я - дівчина хороша!
Я - дівчина хороша -
Полюбила гусляша!

Ей, Марічко, десь бувала,
Кой водичка прибувала?
Я стояла край бережку,
Гоп-гоп-гоп,
Держаламся за березку,
Гоп-гоп-гра!

Ой, Марічко, що вто буде,
Як черевко рости буде?
Я черево перебуду,
Гоп-гоп-гоп,
А за тебе не забуду,
Гоп-гоп-гоп!

Соколятко моє,
Не ходи самоє!
Як ся мало звечоріє,
Та підеме двоє!

Прийди до ня, легінику,
Вечорика того,
Як не буде коло хижі
Нікого, нікого!