Гей, Боже мой

1. Гей, Боже мой, Боже мой,
Де ся дів роскош мой?
Дуй, вітре, варошом,
Гей, дуй, вітре, варошом
За моїм роскошом.

2. Гей, пасла я корови
На зеленій луці,
Приніс мі миленький,
Гей, приніс мі миленький
Чиколяду в руці.

3. Гей, чиколяду в руці,
Цукерки в кишені,
Щобис, мила, знала,
Гей, щобис, мила, знала,
Що то є від мене.

4. Гей, фраїречко моя,
Не маш вельо поля,
То ся не виробит,
Гей, то ся не виробит
Біла ручка твоя.

5. Гей, а за нашов хижов
Пасутся телята,
Люблят мене хлопці,
Гей, люблят мене хлопці,
Хоц я не богата.

6. Гей, хоц я не богата
І поля не маю,
Але без вечері,
Гей, але без вечері
Спати не лягаю.

7. Гей, а за нашов хижов
Пасутся корови,
Люблят мене хлопці,
Гей, люблят мене хлопці
Сами гонорови.

8. Гей, фраєрю за водов,
Тяжко мі за тобов,
Тяжко серцю мому,
Гей, тяжко серцю мому,
Сама не знам чому.

9. Гей, знала би я чому,
Ніт сказати кому,
Сказала бим сестрі,
Гей, сказала бим сестрі,
Або брату мому.

10. Гей, сказала бим сестрі,
Або брату свому,
Він мі не повірит,
Гей, він мі не повірит
Тягареві мому.

11. Гей, тяжко мені, тяжко
На мому серденьку,
Якби мі його зв'язав,
Гей, якби мі його зв'язав
Єдвабнов стуженьков.

12. Гей, попуст, мила, попуст
Єдвабну стуженьку,
Зроби полекшіня,
Гей, зроби полекшіня
Моєму серденьку.

13. Гей, я тя не попущу,
Ище го затягну,
Пок' твоє серденько,
Гей, пок' твоє серденько
К своєму не притягну.

14. Гей, піду я, піду я,
Кади я ходила,
Найду я си, найду,
Гей, найду я си найду,
Що я загубила.

15. Гей, піду я, піду я
Долов, долинами,
Найду я си, найду,
Гей, найду я си, найду
Галузь з малинами.

16. Гей, буду їх варила
В солодкім молоці,
Буду чарувала,
Гей, буду чарувала
По Репедь хлопців.

17. Гей, вшитких вичарую,
Лем єдного лишу,
І того єдного,
Гей, і того єдного
Любити я буду.